Härdöpfelstock-Uflauf

Für 2 - 3 Personen

Man nehme:

- Stocki (3 Port.) oder natürlich selber mache, mä cha sehr guet Reste däzue nee

-  500g Rindshackfleisch

- 100g Champignons, chliii gschnitte

- 1 Schalotte

- 1 Chnoblizehe

- Frischi Peterli & Thymian verhackt

- Röselichöl

- ca. 4 EL Paniermehl

- 1 zerrüehrts Ei

 Schalotte chlii schniide mit dä Champignons und Chnobli churz i Olivenöl aabroote (ca. 5 Min.)
Abchüehle loh
mit em Ei, Rindshack, Peterli, Thymian und Paniermehl zunere kompakte Masse knete
ca. 6 - 8 rundi Bäll forme

Stocki inere uubutterete Form verteile
Röselichöl churz vorchoche im Salzwasser

D Fleischbälleli churz aabroote das schön bruun sind

Alles zämä id Gratainform lege und bi 200 Grad ca. 20 Min. im Ofe bache,
je noch Gschmack cha mä no chli Thymian- oder Chilliöl drüberträufle vor em Bache

En sehr eifache, schnell gmachte Znacht :-)

Spargel-Cannelloni

Ca. 15.- CHF / für 2-3 Pers. / Pro Portion ca. 521 kcl
Zuebereitigsziit ca. 50 Min. + 30 Min. Gratiniere

Man nehme:

- 12 Lasagneblätter

- ca. 700g grüeni, grüsteti Spargle (allefalls dä Stil bits abschniide damits id Form passed)

- 12 Schiibe Chrüüterspeck

- 1,5 dl Gmüesbouillon

- 2 dl Saucenhalbrahm

- 1 dl Wiiswii

- 100g Sprinz, griebe 

- Salz & Pfeffer

- Gratinform uusbutteret

Bachofe uf 220 Grad vorheize
D Lasagneblätter im siedende Salzwasser knapp gar choche, kalt abschrecke, uuslege damits noher nid zämächläbed
Im gliiche Wasser d Spargle ca. 5 Min. blanchiere, abgiesse und abtropfe loh
Fürd Sauce d Bouillon, Rahm und d Helfti vom Sprinz verrühre und guet würze.
Je ca. 3 - 4 Spargle i näs Lasagneblatt wickle und je 1 Schiibe Speck drum ume wickle.
I die uusbutterete Gratinform lege
Sauce drübergüsse und mit em restliche Sprinz bestreue
Ab in Bachofe für 25 - 30 Min.












Be üüs häts däzue Härdöpfeli gee :-)

Eeen Guete

Shayne`s Pfötliguetzli

Bevor ich Euch d Rezept vo 3erlei Cookis verrote, hani au mol no öpis für min Shayne möse bache :-)

Man nehme:

- 260g Thunfisch (im eigene Saft) z.B. gits da vo RIO bi Migros oder Coop

- 500g Dinkelvollkornmehl

- 1 dl Wasser

- 2 frischi Eier

- 4 EL natives Olivenöl

- Pfötli- oder Chnocheusstechforme (z.B. bi Coop City)

Bachofe uf 180 Grad vorheize
Dä Thunfisch imene Sieb mit kaltem Wasser abspüele und guet uuspresse
Alli Zuetate inere Schüssle zumene Teig verarbeite, er söt elastisch aber nümä chläbrig sii, suscht no bits mee Mehl däzuegee
Uf wenig Mehl dä Teig uusrolle und mit dä Förmli uussteche
grad uf ä mit Bachpapier beleits Blech lege und für 20 Min. bache.
Guet uuschüele loh bis mäs i nä Dose oderso tuet.

 Chum sinds fertig, wördeds scho stibitst :-D

Lauwarme Spargelsalot

Nur für d Feeby :-)
Wänn mä mee Ziit hät we ich, schnippled mä natürlich d Peterli & Schnittlauch selber
und chauft ganzi Spargle ....

Man nehme:

- 2 Päck grüeni Spargelspitze & 1 Pack wiissi Spargelspitze

- Gmüesbouillon

- 1 Stuck Parmesan

- Schnittlauch & Peterli

- Frischi Kresse

- Radiesli

- 1/2 Chnoblizeche

- 1 Zitrone

- 1 EL Senf

- Olivenöl

- Öpfelessig

- Tröchneti Chrüüter (Salotchrüüter oder Provence)

- Chrüütersalz

-  Pfeffer

Bouillon ufchoche und i dä Zwüschedziit d Spargel schräg i Stückli schniide, wänd Bouillon choched d Spargle drii gee und choche bis gar sind (no bits bissfest)
Fürd Vinagrette ca. 2 dl Olivenöl mit 0,5 dl Öpfelessig und dä uuspresste Zitrone (noch Gschmack) mit em Senf verrüehre, dä Chnobli, Peterli & Schnittlauch driigee, mit Salz & Pfeffer und dä tröchnete Chrüütli abschmöcke.
D Radisli i Rädli schniide und vom Parmesan fiini Spän abschniide

D Spargle abchüele loh das no lauwarm sind, mit dä Vinagrette guet vermische,
uf em Teller aarichte und mit dä Radisli, Kresse & Parmesan aarichte
 Passt guet z.B. zu mene Pouletbrüstli

Calzone-Päckli

Ich hoffe ihr händ mich nonid vogesse, in letschter Ziit han ich zwor immer koched aber leider niä Ziit gha zum Fötele oder d Rezept ufzschriebe, versuech mich aber wieder z bessere :-)

I dä Zwüschedziit ä sehr eifachs und schnells Rezept:

Pizza i Päckli-Form

Für 6 Päckli (2 - 3 Persone)

Man nehme:

- 1 rechteckige Pizzateig (i 6 Quadrat unterteile)

- Serrano-oder Rohschinke

- 6 Tomate us dä Dose (Pelatti) guet abtropft, gviertlet

- 2 Mozzarella

- Chüütersalz

- Ital. Chrüüter

- 6 Eier

- Olivenöl

1 Sechstel Teig i nä Schüsseli lege, damit i dä Mitti ä chliini Mulde entstoht.
Dä Schinke driilege, es paar Tomate- und Mozzarellastückli drilege, mit Chrüütersalz und ital.
Chrüütli würze.
1 Ei ine Tasse ufschloh und au ufs Päckli gee.
Dänn es Päckli so guets goht verschlüsse damit es Ei nid uselauft, bits mit Olivenöl beträufle
und nomol bits Chrüütersalz drufgee.
D Päckli ufs Bachblech mit Bachpapier lege und im vorgheizte Ofe bi 200 Grad ca. 10 Min. bache.

Bi üüs häts däzue en Salot mit viel frische Chrüütli, Radiesli & Croutons gee...

Express-Znacht

Ca. 12.- CHF / für 2 Pers.
Zuebereitigsziit ca. 5 Min., Bache 10 Min.

Man nehme:

- 2 Riesen-Cervelats, längs teilt und dänn nomol i d Helfti gschnitte, iigschnitte

- 8 dünni Schiibe Brot

- 8 Schiibe Raclettchäs (z.B. Pfeffer oder Chilli)

- 8 Schiibe Tomate

- 1 Chnoblizehe

Isch en würklich sehr eifach und schnelle Znacht aber uuh fein...
Brot i nä Uflaufform lege, 1 ganz dünni Schiibe Chnobli druf, dänn staple:
1 Schiibe Raclettchäs druf und ein vo dänä 8tel Cervelat
Bits würze mit Pfeffer, Paprika, Streu mi zum Biispiel
und ab in Ofe bi 220 Grad ca. 8-10 Min.

Eeeeeeeeeeeeeen Guete :-)

Bresaola-Carpaccio

Ca. 15.- CHF / für 2 Pers.
Zuebereitigsziit ca. 10Min.

Man nehme:

- 250g Bresaola

- 2 Stängel Stangensellerie

- 100g ghoblete Sprinz

- 12 schwarzi, entsteinti Olive

- Salz & Pfeffer

- 1/2 Zitrone

- Olivenöl

- 3 EL Bouillon

Dä Selleri schräg i dünni Schiibe schniide
D Olive i dünni Ringli schniide
Zitronesaft, Bouillon, Salz & Pfeffer mit Olivenöl zunere Vinagrette mische und abschmöcke
Bresaola locker uf 2 flache Teller verteile
Selleri & Olive drüber verteile
Spring "abrolle" und i Stückli übers Carpaccio verteile
Vinagrette drüberträufle
Bi üüs häts däzue no en TomateMozzarella Salot und Toastbroat gee :-)

Eeeeeeeeeeeeeeeeeeeen Guuuuuuuuuuuuuete !!!

Polenta-Uflauf 2/2

Ca. 15.- CHF / für 2 - 3 Pers.
Zuebereitigsziit ca. 30 Min. + Gratiniere 10 Min.

Man nehme:

- 160g Bramata Mais

- 1 Zucchetti chliigschnitte

- 350g Hackfleisch

- Butter

- 4 dl Bouillon

- 4 dl Milch

- Riibchääs

- 1 Chnobli

- Gwürz

Bramta Riis im Milch Bouillon Gmisch chöcherle loh bis er en schöne weiche Brei git,
allefalls nomol chli Wasser däzuegee wänns z schnell verchoched

I dä Zwüschedziit d Zuchhetti mit em Chnobli i wenig Öl aabröötle
und dänn es Hackfleisch driimische, broote bis es Hackfleisch nümmä roh isch

d Polenta mit Riibchäs mische und i nä Gratinform gee
es Hackfleisch-Zuchhetti Gmisch drüber verteile
und zoberst nomol bits Riibchäs verteile

Ab in Ofe bi 200 Grad für ca. 10 Min.

Eeeeeeeeeeeeeeeeeeen Guete
(Es Bild isch bits spot gmacht worde, ich chas nämli vor luuter guet schmöcke vergesse z Fötele :-P)

Polenta-Uflauf

Etz isch aber Ziit worde das mol wieder öpis mach :-)
Aso ich hents selber nid dänkt, aber da isch sooooooooooo fein:

Ca. 15.- CHF / für 2 - 3 Pers. ca. 496 kcl total
Zuebereitigsziit ca. 30 Min. + Gratiniere 30 Min.

Man nehme:

-  1 L Milchwasser (Halb/Halb)

- 1 Tl Salz

- 200g Bramata (Polenta-Mais)

- 150g Bergchäs gwürflet

- Butter

- Pfeffer

- 1 Lauch ca. 200g grüstet i fiini Ringli gschnitte

- 1,5 dl Gmüesbouillon

- 100g Bündnerfleisch i Streifli gschnitte

Für d Polenta es Milchwasser ufchoche und salze. Mais unter Rühre iiriesle loh.
Unter hüfigem Rühre ca. 20-25 Min. chöchele loh, es söt no en dünnä Brei sii.
ca. 2 EL Butter, d Helfti vom Chäs und Pfeffer druntermische i nä uusbutterti
Gratinform gee.

Dä Lauch i Butter aadämpfä, mit Bouillon ablösche und Pfeffer würze.
Lauch samt Flüssigkeit, es Bünderfleisch und dä restlich Chäs über d Polenta verteile.

I dä Mitti vom uf 200 Grad vorgheizte Ofe ca. 30-35 Min. gratiniere.

Vorwiehnachtliche Schmaus

Ha scho mol bits umäexperimentiert für Wiehnachtsesse :-)

2 Voorspiese, Hauptgang & Dessert ca. 50.- CHF / für 2 - 3 Pers.

Lachsbröötli ca. 10 Min Zuebereitigsziit

Man nehme:

-  200g Rauchlachs

- 0.7 dl Rahm

- 100g Frischchäs z.B. Philadelphia

- 4 - 6 dünni Schiibe Brot (ich han es Ruchbrot gno)

- 10g Zwiebelsprossen

- Salz & Pfeffer

 

Chicoreesalot ca. 15 Min. Zuebereitigsziit

Man nehme:

- 1 pink Grapefruit

- 300g Chicoree

- 4 EL Sunnebluemeöl

- 2 EL Mayonnaise

- 2 EL Opfelessig

- Salz

- Zitronepfeffer

Fischsaltimbocca mit Lauchgmües ca. 10 Min. Vorbereitigsziit

Man nehme:

- 400g Lauch

- 4 EL Rapsöl

- 1 dl Milch

- 1 dl Rahm

- 40g griebene Greyerzer

- 4 Kabeljaufilets

- 4 Salbeiblätter

- Salz & Pfeffer

- Schiibe Rohschinke 

 

 Warms Schoggichüechli ca. 10 Min. Vorbereitigsziit

Man nehme:

- 4 Weck-Gläsli (ich has vo BettyBossi und mä cha soooo viel tolli Sache dämit mache)

- 2 frischi Eier

- 95g Zucker

- 1 Prise Salz

- 80g dunkli Schoggi

- 80g Butter

- 65g Mehl

- Puderzucker

Lachsbröötli:
D Helfti vom Lachs i chllini Stückli schniide, Rest mit em Rahm püriere.
Beides mit em Frischchäs vermische und mit Salz & Pfeffer abschmöcke.
Ufs Broot verteile und mit Zwiebelsprosse garniere.

Chicoreesalot:
Für d Sauce Mayonnaise, Öl & Essig mische. Mit Salz & Zitronepfeffer abschmöcke,
dörf ruhig es bitsli suur sii...
Grapefruitschale mit dä wiisse Huut wegschniide. D Grapefruitfilets mit eme scharfe Messer vorsichtig uuslöse und halbiere.
Chicoree längs halbiere, Strunk useschniide und in ca. 1cm breiti Streife schniide.
Mit dä Sauce serviere.

Fischsaltimbocca mit Lauchgmües:
Lauch längs halbiere und i ca. 1cm breiti Stück schniide, i dä Helfti vom Öl ca. 6 Min. dünste.
Milch & Rahm däzue, bi mittlerer Hitz ca. 10 Min. chöchele loh, mit Salz & Pfeffer abschmöcke (ich ha no bits Maggi drii tue). Mit em Chäs mische und ab in Bachofe bi 180 Grad.
Fisch mit Salz & Pfeffer würze, je Filet 1 Salbeiblatt druf lege und mit em Rohschinke umwickle.
Im restliche Öl bi mittlere Hitz beidsiitig ca. 8 Min. broote.

















Warms Schoggichüechli:
Ei, Zucker & Salz verrühre, wiiterrühre bis d Mase heller würd.
Schoggi & Butter inere Pfanne schmelze, glatt rühre, unter d Eimasse rühre,
Mehl druntermische und gliichmössig id Gläsli fülle.
Ca. 20 Min. i dä Mitti vom vorgheizte Ofe bi 180 Grad bache, usenee ca. 4 Min. abchüele loh
und mit Puderzucker bestreue.
Mä cha diä sehr guet vorbereite und erst bache wänn mäs bruucht, däfür eifach Deckeli druf
und in Chüelschrank. Au zue mit dä Chlammere verschlosse als Gschenk e gueti Idee ...
D Chüechli mit eme Glas Baleys und viel Iis gnüsse :-)
Übrigens d Schoggi isch inne no so verloffe, meeeeeeeeega fein