Antipasti-Bröötli

En farbige Znacht...

ca. 15- 20.-  CHF (4 Pers.)
Zuebereitig ca. 25 Min. Im Ofe ca. 10 Min.,

Man nehme fürd Brötli:

- 1 Crusta Rustico Baguette oder Parisett

- 1 Zucchetti

- 1 roti & 1 gelbi Pepperoni

- 1 Camembert oder Carre

- Butter, gsalze

- Cherrytomätli

- 1 Chnoblizehe

- Olivenöl

- frische Basilikum & Rosmarin

- Provencal Mischig us em Glas (Gwürz)

- Frisch gmahlene Pfeffer

- Rohschinke

 

Und für dä Salot was mä wet, bi mir häts dinne:

- Kopfsalat

- Frischi Champignons

- Rüebli

- Radisli

- Gurke

- roti Pepperoni

Mise en place:
Alles schellä und schnätzle etc. für dä Salot, dä cha me dänn nämli in Chuehlschrank tue
Dä Butter mue zimmertemparatur ha, dänn dä chnobli drii mische
Zucchetti i ca. 2mm Rädli schniide, Pepperoni i fiini Streife
Tomätli halbiere, dä Chäs i dünni Schiibe schniide und dä Basilikum grob hacke
Es Brot waagrecht halbiere und i gwünschti Grössi schniide

Zerst d Pepperoni mit bits Olivenöl aabroote und noch 5 Min. D Zucchetti däzuegee bis alles liecht weich isch, mit Rosmarin, Provencal Gwürz und Pfeffer würze (kei Salz)
imene Sieb abchüele loh
Es Brot mit wenig Olivenöl beträufle und dä gsalze Chnobli-Butter drufstriiche
(So chönt me alles au es paar Stund bhalte bevor mes fertig zuebereitet)

Ofe uf 180 Grad vorheize
I därä Ziit d Bröötli mit em Gmües, Tomätli, Chäs, Basilikum und Rohschinke belege
ca. 10 Min. In Bachofe bis dä Chäs aafangt schmelze und dänn use dämit











Mit em Salot aarichte

Eeeennn Guuueeeete :-)

Zucchetti-Tomaten-Quiche

ca. 10.- CHF (2 Pers.)
Zuebereitig ca. 20 Min., Backen ca. 35 Min., 670 kcl

Man nehme:

- 600g Zucchetti, wänns hät am Beste gelbi und grüeni

- 1 dl Milch

- 1 dl Halbrahm

- 2 Eier

- Gwürz

- 10 Cherrytomaten

- 2 Zwiig Basilikum

- frische Rosmarin

- ca. 50g Gruyere gribe

- Chuecheteig oder selber mache wänn mä Ziit hät

Zucchettii ca. 2mm dicki Rädli schniide
Teig uf es Blech (mit Backpapier, Durchmesser ca. 28 cm) lege und dicht iistäche, Rand von Backpapier abschniide
Bachofe uf 200 Grad voorheize
Zucchetti lamellenartig iischichte
Milch, Rahm, Chäs und Eier verquirle und guet würze
Guss über d Zucchetti leere
Quiche i dä Ofemitti ca. 25 Min. bache bis d Zucchetti ganz liecht bruu werded
dänn d Tomätli i Schiibe schniide, Basilikum und Rosmarin grob verhacke und drübertue
nomol 10 Min. fertigbache

Mit eme feine Stuck Fleisch und Chrüüterbutter gnüsse

En Guuuuuuuuuuuuuuete !

Thjfany`s Summerend-Liquor

Geistriichs i dä Fläsche

ca. 40.- CHF (3l.)
Zuebereitig ca. 30 Min., kcl unbekannt
aber mini Chuchi hät noher uusgseh we wänn öperd abgmurgst worde wär also
hani nomol öpä 1 Std. zum Putze bruucht...

Man nehme für ca. 1,5 l ( ich ha grad 3l gmacht zum Verschenke...)

- 300g Zucker

- 2 dl Wasser

- 750g gwäschni und putzti Erdbeeri (mönd nid die Schönste sii)

- 4 dl Wodka

- 5 frischi Zitrone

- sterilisierti Fläschene

Zucker mit em Wasser zumene Sirup ufchoche und noher abchüele loh
Erdbeeri sehr fiin püüriere, ich has noher no dur es Sieb gstriche
Sirup und Wodka druntermische
mit Zitronesaft abschmöcke

i die sterilisierte Fläsche abfülle (ab Beste mit eme Trichter, wän mä eine hät :-/)
Zum Verschenke mue mä natürlich no cooli Ettikette mache

Im Chüelschrank ca. 2-3 Wuche haltbar
mit viel iis gnüsse, als Likööööörchen noch em Esse oder
als Grundlag für Caipirinha (mit Limes und Crushed Ice mische...)

Happy Summerend zämä !!!

Melanzane

Auberginen-Uflauf

ca. 15.- CHF (4 Pers.)
Zuebereitig ca. 30 Min., Backen ca. 20-30 Min., kcl unbekannt

Man nehme:

- ca. 500g Auberginen

- 400g Mozzarella

- 1 Dose Tomaten gehackt

- Streukäse (Mozzarella oder Emmentaler/Gruyere)

- 2 Koblizehe

- frische Kräuter (z.B. Basilikum, Peterli, Oregano...)

- Mehl

- Olivenöl

- Div. Gewürze (Salz, Pfeffer, Ital. Kräuter...)

Bi däm Uflauf isch es guets Mise-on-place as A und O...
Tomate, Gwürz, Chnobli und die ghackte Chrüüter mische und abschmöcke, dörf sehr
würzig sii suscht hät dä ganz Uflauf kei Gschmack
Mozzarella i dünni Schiibe schniide
D Aubergine i ca. 3mm dicki Rädli schniide und salze (damits Wasser ziehnd)
wänns aafanged "schwitze" im Mehl wende und im heisse Olivenöl aabrote bis liecht bruu sind,
uf Chuchipapier abtropfe loh













Alles noch Beliebe i nä Gratinform schichte und am Schluss no bits Streuchäs drübergee und ab
in Ofe bi 180 Grad für ca. 25 Min.

 

Däzue gits e feins Stuck Rindfleisch oder äs Spiessli, mmmmh :-)

En Guuuuuuuuuete

Cervelat mol anderst...

Schwiizer Gschnätzleds

Sehr eifach, guet & günstig ;-)
ca. 15.- CHF (4 Pers.)
Zuebereitig ca. 45 Min., kcl nid grad wenig ...

Man nehme:

- 4 Cervelats

- ca. 8 mittelgrossi Champignons

- 1 chliine Chnoblizehe oder e chliini Zwieble

- Härdöpfelstock "Stocki "oder wer Ziit hät natürli selbergmacht

- 6 dl Halbrahm

- frischi Peterli

- Gwürz

- Spinat, Broccoli oder Bluemechohl

Champignons schiible, d Cervelat chliischniide (halbi Rädli)
und i dä Brootpfanne aabröötle bis d Cervelat liecht bruu werded
noher dä Halbrahm und Chnobli däzue gee
Würze
Chöchele loh bis dä Rahm zunere cremige Sauce iikoched isch
Spinat und Härdöpelstock zuebereite
Uf Teller aarichte, wichtig: Weiherli mache :-D
frischi Peterli hacke und drüber gee

En Guuuuete

Thjfany`s Favorit...

Spaghetti aglio e olio per tipo de Thjfany

Lieblingsznacht für 10.- CHF (4 Pers.)

Zuebereitig ca. 10 Min. kcl unbekannt

Nie, ich bi kan Vegi 

Man nehme:
- ca. 600g Dattel oder Cherrytomätli
- Spaghetti
- 3 Chnoblizehe
- frische Basilikum
- sehr viel verschiedeni Gwürz (ganz egal was für sötigi)
- 1 dl Olivenöl
- 300g chliini Mozzarellachügeli

Spaghetti obtue im Salzwasser bis al dente

Tomätli 4tle

Chnobli presse

Öl i dä Brotpfanne erhitze (Hitz unteres Drittel)

Chnobli däzuegee

Würze, viiiieeeel suscht schmöckts noher noch gar nüt, me cha würkli alles nee vo Fleisch-, Grill-, Pizzagwürz über Chilli, Paprika und Aromat :-)

Tomätli biigee und chöchele loh bis Tomätli aafanged weich werde

Basilikum grob zerhacke und au id Pfanne gee

Dänn mit dä Spaghetti uf dä Teller gee und erst etz d Mozzarella-Chügeli druf tue

(Suscht schmelzeds...)

 

Buon appetito

Ragout-Pasta...

Spirale mit Zucchetti-Thon-Ragout

En super Znacht für 15.- CHF (4 Pers.)
Zuebereitig ca. 20 Min. / ca. 890 kcl
... es mues jo nid immer Fleisch sii ;-)

Man nehme:

- 400g Teigwaren (z.B. Spirale)

- 1 chliini & 1 grossi Dose rosa Thunfisch in Salzwasser (bitte um EINZELFANG Etikette luege)

- 4 chliini Zucchetti

- 2 EL Olivenöl

- 2 Chnoblizehe

- 6 dl Halbrahm

- Pfeffer & Salz

- Aromat (mue doch überall drii)

- 1 Bund Basilikum

Teigware al dente choche
Thon abtropfe loh
i dä Zwüschedziit d Zucchetti viertle und i Würfeli schniide, im Oliveöl uf mittlere Stufe
aabroote bis aafangen weich und bitsli bruu werde
Chobli churz zämädrucke, goht besser zum Schelle und presse und zu dä Zucchetti gee
Rahm zuegee und iichöchele loh
Thon mit dä Finger zerchliinere und zum Zucchettiragout gee
mit Salz, Pfeffer und Aromat abschmöcke (nid mit Würze spare...)
Alles mische und Basilikum drüberzupfe

Und für mich gits en Mojito (alkoholfrei, es Rezept mit chunnt dänn spöter wänn d Chind im Bett sind :-D) dä Sirup gits übrigens grad limitiert im Migros (jo ich bin es Migroschind!)

 

en Guuuuuuete

Viel trinken !!!

Healthy refreshing Summer Drink...

Für diejenigen die auch kein Wasser trinken können vorallem kein Warmes, ideal zum mitnehmen an den Strand oder in die Badi, denn je wärmer das Wasser wird desto besser der Geschmack...

Man nehme:
- eine Flasche Wasser mit oder ohne Gaaaaaaaaaas
- frische Pfefferminze (bekommt man z.B. im Migros bei den Salaten)