Gfüllti Zucchetti

ca. 15.- CHF (2-3 Pers.)
Zuebereitig ca. 20 Min., Backen ca. 20 Min.

Man nehme:

- 4-5 dicki Zucchetti

- 500g Rindshackfleisch

- 1/2 Feta Chääs i fiine Würfeli

- 1 chliini Zwieble chlii zerhackt

- 1 grosse Chnoblizehe, zerdrückt

- Riibchäs

- Brootbutter oder creme

- 3 Würfel Rindsbouillon

Zerst d Zucchetti längs i 2 Hälftene schniide und uushöhle
i dä Rindsbouillon choche bis weich werded
I dä Zwüschedziit es Hackfleisch mit dä Zwieble und em Chnobli im Brootbutter aabroote
bis gar isch, dänn dä Feta däzue mische

Jetzt d Fleischmasse id Zucchetti fülle, bits Riibchäs druf verteile und
mit ganz wenig Bouillon beträufle und ab in Bachofe bi 200 Grad für ca. 200 Min.

Eeeeeeeeeeeeeeeeeen Guuuuuuuuuuuuete

Einfacher Braten

Hackbraten a la Thjfany

ca. 30.- CHF (2-3 Pers.)
Zuebereitig ca. 40 Min., Backen ca. 50 Min.

Man nehme:

- 500g gmischts Hackfleisch (Rind & Schwein)

- 100g Kalbsbrät (Fleischkäsebrät)

- 1 grosse Zwiebel, fiin ghacket

- 1 Chnoblizehe presst

- 1 Bund Peterli, fiin ghacket

- 1 Weggli (i Wasser iigweicht und noher uusdruckt)

- 1 Ei, verklopft

- ca. 5-6 Saucenzwiebeln

- 1/4 Teelöffel Paprika

- Pfeffer & Salz

- Bratcreme oder Bratbutter

- 5-6 Rüebli (gschellt, i ca. 1/3 Stückli gschnitte)

- 1 Esslöffel Tomatepüree

- 1 mittelgrossi Zwiebel bestückt mit 1 Nelke und 1 Lorbeerblatt

- 2 dl Rootwii

- 2 dl Wasser

- 1 Würfel Rindsbouillon

- Stocki (entweder selbermache oder Knorr chaufe)

D Saucenzwiebeln churz i siedendem Wasser blanchiere (ca. 1,5 Min.),
usenee, chalt abspüele, Wurzelaasatz wegschniide und us dä üsserste Schale presse, uf d Siite stelle

Hackfleisch, Brät, die ghackte Zwieble, Peterli, Chnobli, Weggli, Ei und es Gwürz
sehr guet knete bis es ä Masse git wo nümä a dä Händ chläbt (wänn das nid goht bits Paniermehl däzuegee). Zumene ovale Brote forme

Bratbutter oder Creme im Schmoortopf (siehe Bild rechts) heiss werde loh, Hitz reduziere ca. uf mittleri Stufe, dä Brote rundum ca. 5 Min. aabroote, erst wende wänn sich ä Chruste bildet hät,
Broote usenee

Saucenzwiebeln, Rüebli und die bestickte Zwieble churz aabrote i dä gliiche Pfanne
Wii, Wasser, Tomatepüüree und dä Bouillonwürfel dazuegee und warte bis sich d Bouillon ufglööst hät, Hitz nomol reduziere (ca. ufs 3), Broote vorsichtig driilege und d Pfanne zudecke

ca. 50 Min. schmoore loh

Churz vorher dä Stocki noch Aaleitig zuebereite und dä Broote aaschniide

Alles uf em Teller serviere

Da isch sehr eifach und wahnsinnig lecker, schmöckt wie bi dä Grosi :-)
En Guuuuuuuuuuuete !!!