Vorwiehnachtliche Schmaus

Ha scho mol bits umäexperimentiert für Wiehnachtsesse :-)

2 Voorspiese, Hauptgang & Dessert ca. 50.- CHF / für 2 - 3 Pers.

Lachsbröötli ca. 10 Min Zuebereitigsziit

Man nehme:

-  200g Rauchlachs

- 0.7 dl Rahm

- 100g Frischchäs z.B. Philadelphia

- 4 - 6 dünni Schiibe Brot (ich han es Ruchbrot gno)

- 10g Zwiebelsprossen

- Salz & Pfeffer

 

Chicoreesalot ca. 15 Min. Zuebereitigsziit

Man nehme:

- 1 pink Grapefruit

- 300g Chicoree

- 4 EL Sunnebluemeöl

- 2 EL Mayonnaise

- 2 EL Opfelessig

- Salz

- Zitronepfeffer

Fischsaltimbocca mit Lauchgmües ca. 10 Min. Vorbereitigsziit

Man nehme:

- 400g Lauch

- 4 EL Rapsöl

- 1 dl Milch

- 1 dl Rahm

- 40g griebene Greyerzer

- 4 Kabeljaufilets

- 4 Salbeiblätter

- Salz & Pfeffer

- Schiibe Rohschinke 

 

 Warms Schoggichüechli ca. 10 Min. Vorbereitigsziit

Man nehme:

- 4 Weck-Gläsli (ich has vo BettyBossi und mä cha soooo viel tolli Sache dämit mache)

- 2 frischi Eier

- 95g Zucker

- 1 Prise Salz

- 80g dunkli Schoggi

- 80g Butter

- 65g Mehl

- Puderzucker

Lachsbröötli:
D Helfti vom Lachs i chllini Stückli schniide, Rest mit em Rahm püriere.
Beides mit em Frischchäs vermische und mit Salz & Pfeffer abschmöcke.
Ufs Broot verteile und mit Zwiebelsprosse garniere.

Chicoreesalot:
Für d Sauce Mayonnaise, Öl & Essig mische. Mit Salz & Zitronepfeffer abschmöcke,
dörf ruhig es bitsli suur sii...
Grapefruitschale mit dä wiisse Huut wegschniide. D Grapefruitfilets mit eme scharfe Messer vorsichtig uuslöse und halbiere.
Chicoree längs halbiere, Strunk useschniide und in ca. 1cm breiti Streife schniide.
Mit dä Sauce serviere.

Fischsaltimbocca mit Lauchgmües:
Lauch längs halbiere und i ca. 1cm breiti Stück schniide, i dä Helfti vom Öl ca. 6 Min. dünste.
Milch & Rahm däzue, bi mittlerer Hitz ca. 10 Min. chöchele loh, mit Salz & Pfeffer abschmöcke (ich ha no bits Maggi drii tue). Mit em Chäs mische und ab in Bachofe bi 180 Grad.
Fisch mit Salz & Pfeffer würze, je Filet 1 Salbeiblatt druf lege und mit em Rohschinke umwickle.
Im restliche Öl bi mittlere Hitz beidsiitig ca. 8 Min. broote.

















Warms Schoggichüechli:
Ei, Zucker & Salz verrühre, wiiterrühre bis d Mase heller würd.
Schoggi & Butter inere Pfanne schmelze, glatt rühre, unter d Eimasse rühre,
Mehl druntermische und gliichmössig id Gläsli fülle.
Ca. 20 Min. i dä Mitti vom vorgheizte Ofe bi 180 Grad bache, usenee ca. 4 Min. abchüele loh
und mit Puderzucker bestreue.
Mä cha diä sehr guet vorbereite und erst bache wänn mäs bruucht, däfür eifach Deckeli druf
und in Chüelschrank. Au zue mit dä Chlammere verschlosse als Gschenk e gueti Idee ...
D Chüechli mit eme Glas Baleys und viel Iis gnüsse :-)
Übrigens d Schoggi isch inne no so verloffe, meeeeeeeeega fein

Hausgemachter Flammkuchen

ca. 10.- CHF (2 Pers.)
Zuebereitig ca. 30 Min.

Man nehme:

- 200g Mehl (ich han Ruchmehl gnoo)

- 1/2 TL Salz

- e Priise Zucker

- 1/4 Würfel Hefe (ca. 10g)

- 1,5 dl Wasser

- 200g Creme Fraiche

- 1 rote Bölle

- Speckwürfeli oder chlii gschnitteni Specktranche

- gräucherete Lachs verzupft

- 1 Stange Lauch i fiini Ringli gschnitte

- Salz und Pfeffer 

Mehl, Salz, Zucker und Hefe inere Schüssle vermische
Wasser däzuegee und zumene weiche, glatte Teig knete, zuedeckt bi Ruumtemperatur
ufs ca. Dopplete ufgoo loh

Ca. 2mm dünn uuswalle und uf es mit Bachpapier usgleite Blech lege

Creme Fraiche dünn uf em Teig verteile, damit ringsum ca. 1cm Rand freibliibt

Nach Beliebe belege und würze

z.B. Männer mit Bölle und Speck, Fraue mit Lachs und Lauch :-)

 Bache ca. 10 Min. i dä Mitti vom 240 Grad vorgheizte Ofe

 

 

 

Eeeeeeeeeeeeeeeeeeeeeeeeeeeeeen Guuuuuuuuuuuuuuuuuuuuuuete :-)

Lasagne

ca. 20.- CHF (3-4 Pers.)
Zuebereitig ca. 40 Min., Koche vo dä Bolognese ca. 90 Min.  Bache ca. 35 Min. ca. 802 kcl pro Person

 Man nehme:

- 600g Rinds-Hackfleisch

- Öl

- 2 chliini Bölle

- 2 Chnoblizehe

- 6 EL Tomatepüree

- 1 Büchs Tomate (Pellati) abtropft

- je 200g Rüebli & Selleri i chliini Würfeli gschnitte oder grob ghoblet

- 3dl Rotwii

- 3dl Fleischbouillon

- Majoran, Rosmarin, Salz & Pfeffer, 2 Lorbeerblätter

- 3 EL Butter

- 3 EL Mehl

- 6dl Milch

- ca. 15 Lasagneblätter 

- 100g griebene Parmesan

- Wänn mä wet, 1/2 Zucchetti i finni Rädli gschnitte

 Bolognese:
Zwieble & Chnobli aabrote bis glasig sind, Hackfleisch däzuegee bis schön bruu isch überall
Tomatepüree, Pellati, Rüebli & Selleri däzuegee und ca. 3 Min. dämpfe
Rotwii, Lorbeerblätter & Bouillon däzuegee, ufchoche, Hitz reduziere
Mit dä Gwürz würze, ca. 1,5 Std. choche bis die meist Flüssigkeit verdampft isch

Nocher d Bechamelsauce zuebereite:
3EL Butter inere Pfanne warm werde loh
3EL Mehl däzuegee, unter Rühre mit em Schwingbese bi mittlere Hitz dünste, Mehl dörf kei Farb aanee.
Pfanne vom Herd nee
6dl Milch uf eimol däzuegee unter Rühre ufchoche und dänn d Hitz reduziere
mit Salz & Pfeffer würze, unter glegentlichem Rühre bi mittlerer Hitz ca. 10 Min.
chöchele loh bis d Sauce sämig isch

Inere Lasagneform zerst Lasangeblätter dänn d Bolognese und dänn d Bechamelsauce
(Tip: 1 Schicht mit dä dünnä Zuchhettirädli) schichte, das selbe noch mal, mir händ
insgesamt 3 so Schichte gmacht

zum Schluss ä Schicht Lasagneblätter und dä Rest vo dä Bechamelsauce und obe druf
dä Parmesanchäs
I dä Mitti vom auf 200 Grad vorgheizte Ofe ca. 35 Min. gratiniere

 Eeeeeeeeeeeeeeeeeeeeeen Guuuuuuuuuuuete !!!

Quinoasalot mit Scampispiessli

Gwöhnigsbedürftig aber im positive Sinn :-)
ca. 15.- CHF (2 Pers.)
Zuebereitig ca. 40 Min.

Man nehme:

- 200g Quinoa (gits z.B. im Migros wo dä Riis isch)

- 400ml Wasser

- Olivenöl

- 3 Chnoblizehe

- 3/4 frischi Chillischote

- 1 chliini Gurke

- 1 nicht ganz riifi Avocado (nonid so weich)

- nach Geschmack: Frische Koriander

- 1 Limette

- Salz & Pfeffer

- Scampi (vorkochti Tail-on)

- Holzspiessli

 Ich han d Scampi mit Olivenöl, Saft vonere halbe Limette, 1 Chnoblizehe und Salz und Pfeffer über Nacht im Chüehlschrank mariniert.

Die 200g Quinoa inä fiins Sieb gee und unter heissem Wasser abbrause, nochher mit em Wasser inen Topf gee, ufchoche und ca. 20 Min. chöchele, immer wieder umrüehre suscht brennts aa, sobald es Wasser ufgsoge isch zuedeckt uf d Siite stelle.

I dä Zwüschedziit d Gurke & Avocado i chliini Würfeli schniide, Koriander grob hacke.
Die 2 Chnobli presse und d Chillischote chlii schniide.
D Scampi uf d Spiessli stecke

Dä Chnobli mit dä Chili i Oliveöl aabrote und s Quinoa däzuegee.
Noher au d Gurke und dä Koriander id Pfanne gee und bi chliiner Stuufe warm mache
(Jo Gurke schmöckt au warm, probiereds ruhig mol)
Platte abstelle.
Mit Pfeffer & Salz und Limettesaft abschmöcke, ganz am Schluss d Avocadowürfeli däzuegee

D Scampispiessli aabrote und d Marinade däzueleere, alles uf Teller aarichte
(Salot söt no so lauwarm sii)

Wers gern hät cha zum Salot ä süessuuri Chillisauce serviere, mir händ üüs für Chnoblibroot
entschiede, wänn schon dänn schon :-)

Eeeeeeeeeeeeeeeeeeeeeeeeen Guuuuuuuuuuuuuuuuuuuuuete :-)

Planen fürs Wucheend...

Rezepte folgen :-)