Lauwarmer Lauchsalat a la Nani

ca. 10.- CHF (2 Pers.)
Zuebereitig ca. 30 Min.

Man nehme:

- 600g Lauch (längs i d Helfti teile und dänn dünni Streife schniide)

- 1 kl. Büchs Eierschwämmli

- Speck gwürflet

- Senf

- Gmüesbouillon

- Rapsöl

- Wiiswiiessig

- Peterli

- Gwürz

Dä Lauch ca. 20 Min. i Gmüesbouillon choche
i dä Zwüschedziit d Senf-Vinagrette aarüehre mit Öl, Essig, Senf, sehr starchi Bouillon, ghackte Peterli und abschmöcke mit Gwürz (Pfeffer, Salz, Maggi, Aromat, Salatchrütli...)
Dä Lauch bits abchüele loh, i därä Ziit dä Speck mit dä Eierschwämmli aabroote
Uf Teller aarichte und mit dä Vinagrette übergüsse
Lauwarm serviere

Eeeeeeeeeeeeeeen Guuuueeeeeeeeeete

Kalbsschnitzel mit Champignons & Härdöpfel

ca. 30.- CHF (3-4 Pers.)
Zuebereitig ca. 20 Min., Bache ca. 30-40 Min. ca. 550 kcl pro Person

Man nehme:

- 500g Racletthärdöpfeli

- 2 dl Rahm

- Salz, Pfeffer, Paprika

- 8 Kalbsschnitzel a 70g

- 8 Schiibe Rohschinke

- 1 chliine Bölle

- 2 Zwiig Peterli

- 150g Champignons

- 4 EL Rapsöl

Bachofe uf 200 Grad vorheize, Härdöpfel guet wäsche und ine Gratinform gee
Rahm drübergüsse, mit Salz, Pfeffer & Paprika würze. Härdöpfel i dä Ofemitti ca. 30-40 Min. bache.

Schnitzeli mit je 1 Schiibe Rohschinke belege und miteme Zahstocher befestige.
Die ander Siite mit wenig Salz & Pfeffer würze
Bölle & Peterli fiin hacke. Champignons i Schiibe schniide.
Bölle inere Pfanne mit 2 EL Rapsöl aabroote und d Pilz däzuegee.
Peterli driimische mit Salz & Pfeffer abschmöcke. Au inere Gratinform in Bachofe tue zum Warmhalte.
Im restliche Öl inere Brotpfanne d Schnitzeli je ca. 1 Min. aabrote (je noch Dicki...)
Fleisch mit Härdöpfel & Champignos aarichte.

Eeeeeeeeeeen Guuuuuuuuuuuuuuuuete :-)

Gmüessuppe mit Wursträdli & Fociaccia

ca. 15.- CHF (3-4 Pers.)
Zuebereitig ca. 20 Min., Choche ca. 30 Min.

Man nehme:

- ca. 12 mittelgrossi Härdöpfel

- 2 Zucchetti

- 1 Chürbis

- 2 Chnoblizehe

- 1 chliini Zwieble

- 3 dl Halbrahm

- Gmüesbouillon

- Gwürz

- 4 Wienerli

- Fociaccia (Rezept folgt)

Alli Zuetate chlii schniide und i dä Bouillon choche

 

 

wänns Gmües gar isch, alle püriere und mit Gwürz abschmöcke

Halbrahm däzuegee

Wienerli i Rädli schniide und id Suppe gee,

chöchele loh bis d Wienerli au warm sind

mit Fociaccia serviere

 

Eeeeeeeeeeeeeeeeeen Guuuuuuuuuete

 

 

Happy Weekend

Rezepte folgen :-)